必去景點推介!玩盡荔園全攻略

久違嘅荔園又返嚟喇!今年嘅「荔園Super Summer 2016」,相信一定有唔少家長會帶仔女去玩,俾佢哋感受下呢個「復刻版」嘅童年回憶。但到底今年荔園有咩玩、又有冇啲必去特色景點?一齊睇下啦

蘇飛的奇幻世界

去荔園,當然首先要撐本土作品啦!香港著名插畫師林皮創作嘅角色「女飛賊蘇飛」,今次帶埋佢一班朋友衝入荔園,同大家一齊玩。奇幻世界唔止有迷宮,仲有各類裝置藝術,最啱俾小朋友喺入面自由玩樂。

《妖怪手錶》攤位

今年荔園同大熱嘅動畫《妖怪手錶》合作,整咗個一比一嘅妖怪手錶櫻花鎮,唔單止擺設建築都充滿日本特色,場內仲會不時飄落櫻花㖭!就算唔係動畫迷,都值得去行兩轉,感受下「異國」風味喎~

XRace高卡車

號稱係全港首個電動高卡車車場,都可算係今年荔園嘅重頭戲。全長成650米嘅賽道,玩起嚟夠唔夠喉,就真係要試過先知。但如果你係車迷,或者想喺炎夏感受下另類嘅官能刺激,呢個攤位似乎就啱你喇。

其實除咗呢幾款重點設施,荔園都有好多攤位遊戲俾大家玩。至於好唔好玩、抵唔抵玩,就交俾大家玩完再判斷啦!

More Stories
brown wooden dining set inside room
香港飲茶文化與大知鼎鼎的蓮香居